اولاً ريحته جميله جداً
ثانياً مناسب جداً للشعر الكيرلي او الويڤي، تقدرين تستخدمينه مرتين الى ثلاث مرات اسبوعياً
طريقة الاستخدام اذا تبين شعر كيرلي مرتب:
١- استخدمي الشامبو على فروة الرأس فقط
٢- استخدمي البلسم حقك فقط على اجزاء الشعر بدون الفروه ومشطي شعرك تحت المويه وخليه خمس دقايق وغسليه تماماً
٣- الحين تحطين هذا الماسك وطريقته سهله جداً، خذي خصلتين وحطي نقطه من هالماسك ولفيهم على بعض، وهكذا لكل خصلتين بشعرك وخليه ٢٠ الى ٣٠ دقيقه وبعدها غسلي شعرك
٤- لما تبين تنشفين شعرك جيبي قميص قطني طبعاً ابعدي عن المناشف لانها ثقيلة وتخشّن الشعره وتنفشها
٥- واختميها بليڤ-إن مناسب لنوعية الكيرلي حقتك، دوري في ايهيرب مليان ليڤ إن
نصيحه اخيره: مخدتك لازم من حرير وايضاً ربطات شعرك عشان تحافظين على لفّات شعرك، دوري في اليوتيوب طرق للكيرلي والمحافظه على خصلها
انا شعري ويڤي ومناسبني هالماسك حتى لما صبغت شعري ستل مناسب، والليڤ إن حقي كنكي كيرلي الوردي بس للاسف سولد اوت وصعب تلاقينه، والبلسم جيوڤاني، والجل برضو جيوڤاني، والشامبو اقرب صيدليه
وطبعاً لا تنسون اللايك والسبسكرايب 😜
