لذيذ حدا مميزاته ان السعرات محسوبه وجوده الشوفان طيبه ولذيذه، لكن خذيت نكهه السكر البني وصراحه هي اقل نكهه عجبتني لان مره تعبتني بالتحكم في الحلاوه وسعراتها عاليه احس هذي النكهه تنفع للي يبغون يسمنون بطريقه صحيه،
طريقتي هي اني احط ضرف واحد من الشوفان وكوب حليب "٢٥٠مل" واحطه بالمايكرويف المده طبعا على حسب القوام اللي راغبين فيه اذا تبغون سايل لا تطولون عليه بالمايكرويف، بعدها اطلعه واحط معه ملعقتين كبار زبادي او زبادي يوناني عشاني احب القوام يكون كريمي😋 واحط ملعقه ميبل سيرب او سريب البانكيك(متوفر بايهيرب سيرب بانكيك سعراته0) وملعقه صغيره بذور الشياء وقرفه واذا حابه حلاوه زياده احط ستيفيا، والتوبينق الفواكه اللي تحبونها ومكسرات او قرانولا
واقدر برضو اسوي فيه بان كيك بس احط حبه موزه وحليب وستيفيا👌
هل الكميه مناسبه لوجبه الفطور؟ بالنسبه لي مرهه مناسبه وتشبع طول اليوم صراحه كنت متخوفه انها تكون قليله لكن مناسبه جدا
هل برجع اشتريه؟ ايوا بصراحه مريح جدا بحساب السعرات ونكهه الشوفان مختلفه عن اللي اشتريها بالمعتاد وحتى الحبوب صغيره شكلها حلو ومايطلع غريب بالطبخ، بس بشتري نكهات اخرى
اذا استفدت لا تنسى نعم
