معلومات قد تهمك
ملاحظة: ما ينفع تاخذ تجربة الناس في المكملات من التعليقات لأن كل واحد واحتياجه فالناس يختلفون. راح أكتب بعض النقاط المهمة الي وجدتها عند البحث يجب الانتباه لها عند شراء فيتامين د : أولاً: هناك نوعين من فيتامين د ( د3, د 2 ). ثلاثة يكون من مصدر حيواني، واثنين من مصدر نباتي والمصدر الحيواني أفضل بس أنا طلبت هذا المنتج لأن ما فيه جيلاتين ومدري كيف ذبحهم للحيوان فاحتياطاً أتجنب هذه المشكلة. بعض الأحيان يكتبون ( حلال ) في بعض المنتجات الي مصدرها حيواني بس هذا مو موجود عليه إلا ( كوشر ) الي هو عند اليهود زي الحلال عندنا. ثانياً: لفيتامين د عدة جرعات وتجي كرقم بعدها وحدة دولية:(50000, 5000, 2000, 1000, 800, 600 ... ) وعلى شان تعرف أيت جرعة تاخذ مهم تفحص فالي عندهم نقص حاد في الغالب ياخذون جرعة عالية ومرة في الأسبوع فانتبهوا من هذا الأمر مهم الفحص لأن زيادة الجرعة عن احتياج الجسم ممكن يؤدي لنتائج لا تحمد عقباها. بالنسبة للجرعة هذه ( 1000 ) هي نسبتها من الاحتياج اليومي 125% وهذا يعني إنك تاخذ فوق احتياجك بـ 25٪ زيادة وهذا للي عندهم نقص بيعالجونه فرق بين الي يحافظ وبين الي يعالج ثالثاً: فيتامين د يمتص في وسط دهني يعني ما ينفع تاخذ الحبة وتشربها بالموية مهم تاخذه مع وجبة رئيسية يكون فيها دهون صحية حتى يمتص الفيتامين أو تاخذه مع حليب أو زيت زيتون. رابعاً: فيتامين د دائماً مرتبط مع الكاليسيوم لأنه يساعد في امتصاصه فالي عندهم مشاكل بالعظام والأسنان راح يفيدهم فيتامين د، والبعض كثير يهتم بأكله وأخذ الكاليسيوم من مصادره الطبيعية بس ما يشوف فايدة ممكن السبب يكون بنقص فيتامين د الي يساعد بامتصاص الكاليسيوم خامساً: العلبة فيها 120 حبة يعني راح تكفي أربعة شهور وأخيراً ( أنا لست مختص ) ذكرت الي أعرفه لعله يساعد البعض
