الطريقة حسب ما مكتوب كالتالي : تاخذون نص الخليط اللي بالجيس و تخلطونه مع نص كوب زبدة بذور او مكسرات ما يعادل ١٠٠ جرام و ٢-٣ م ك عسل أو شراب القيقب و انه هالكمية تطلع لكم عشر حبات ، اما عن نفسي سويت الجيس كامل و حطيت نص كمية الزبدة استخدمت زبدة الفول السوداني و بعدين كنت بحط تمر بدال عسل او سيروب فحطيت تمر و قعدت اعجن بايدي الافضل بالايد فحسيت الخليط مو متماسك و كل شوي ازيد شوي تمر و شوي زبدة و بعدين ذقته حسيته مالح شوي بسبب زبدة الفول السوداني فحطيت تقريبا ١ و نص م ك شراب القيقب و هني صار الطعم تمام و بديت أكورهم ، فانتوا تقدرون تنوعون اذا بتحطون تمر او نوعين زبدة مكسرات مثلا يعني تقدرون تتفنون بس اذا ما تبون طعم ملوحة لا تستخدمون زبدة فول سوداني و الشي الثاني الخليط ترا ماراح يطلع نفس العجينة راح يكون غير متماسك بس اذا مسكتي كمية و كورتيها بيتكورون معاج لكن لو تبينها متماسكة حيل راح تضطرين تحطين كميات اكبر من زبدة المكسرات او البذور ، و هم بعد اهمه كاتبين نص الجيس يطلع لكم ١٠ كور لكن انا سويت الجيس كامل طلعلي ٤١ كرة الظاهر اهمه مسوينهم حجمهم كبير ، و الكور تكون صالحة لمدة اسبوع فاذا انتي ماراح تستهلكينهم كل يوم لا تسوين الخليط كله نفسي ، و انا زيادة فالحرص راح أحطهم بالثلاجة و ببرطمان ما يدخل هوا ، بالنهاية الطعم ككل عجبني نفس اللي اشتريه من الكافيهات و ماراح تكون اول مرة أطلبه
تحديث: قطع الكاكاو اللي حاطينها بالخليط طعمها مر و تكسر الضروس خربت عالخلطة الصراحة
